الاثنين، 9 يناير، 2017

كيفاش نولي محترف فالفوتوشوب

ا لسلام عليكم ..
الناس اللي عزيز عليهموم الفوتوشوب او بغاو اتعلموه ويولّيوا محترفين فمجال التصميم يتجمعوا هنا




جبت ليكوم شي حوايج غتخليك من مبتدئ متعرفش كيفاش تفتح الفوتوشوب  الى محترف ممكن يربح الفلوس من الفوتوشوب

قبل ما تتعلم أي حاجة فأي حاجة

شوف اسيدي هادا موقع غتتعلم منو الأساسيات فالمجال، غيوريك نظريا كل أداة فالبرنامج أشنو وظيفتها .. وأنواع الايفيكتات اللي ممكن تستخدمها وتقنيات غتخلي دماغك يخدم ملي تجي للمعقول . 



نجيو للتعليم الحقيقي، أهم حاجة لازم يكون عندك اصرار و ارادة قوية 
مكايناش شي حاجة كتجي بالساهل أنت ماشي غتبقي مصمم فيوم و ليلة .. من الاخر يعني بلا أي ألم .... NO GAIN مع أن الموضوع ماشي صعيب بزاف

هاد  الكورسات معظمها عربي ولكن كاينين 2 تقريبا بالأنجليزية ولكن سهل تفهمهم حتى لو لغتك ماشي قوية.


أول كورس جبتوا لكوم هو دورة فوتوشوب مكونة من 25 درس، ههه تخلعتي 😃 مكاين لا خلعة لا والو، أنت بعد ما تكمل الكورس [قول يارب]  غتكون كتعرف تصمم الشعار أو اللوغو بطريقة احترافية، وكيفاش  تخليه بخلفية شفافة باش تحطو على صورة أو اعلان ... الخ 
 الي جانب انك غتعلم استخدام أدوات كتيرة فالبرنامج بطريقة عملية 
رابط الكورس  http://edumefree.com/welcome/CourseDetails/662

تاني كورس معانا هو كورس المدة ديالوا 3 ساعات مقسم على 15 درس، من بعد هاد ال 3 ساعات [قول يارب عاوتاني] غتحترف التايم لاين، واط از ظيس !! 
يعني غتعرف تصاوب فيديوهات وصور GIF وغتعرف كيفاش تضيف صوت للفيديو او العمل ديالك.
رابط الكورس  http://edumefree.com/welcome/CourseDetails/661

تالت كورس جبتو لكوم هو من بلا شرح وعضرة كثيرة، شرح كامل للبرنامج، الفوتوشوب طبعا ... من الصفر للاحتراف يعني غتولي أسطورة فالتصميم. 😃
رابط الكورس  http://edumefree.com/welcome/CourseDetails/648

الكورس الرابع للناس اللي بغاو اخدمو بالفوتوشوب ويربحو منو الفلوس .. فهاد الكورس غيعطيك  أفكار وغيعلمك حاجات كيفاش 
معارفش نقول اشنو كيحتوي عليه بوضوح لكن الكورس حلو فعلا وغيساعدك 
 http://edumefree.com/welcome/CourseDetails/594

الكورس السادس اللي معانا هو ......
صحصح معانا أولدي أشمن سادس كورس
الكورس الخامس [ركز] 

عبارة عن كورس غيعلمك كيفاش تصمم موقع إليكتروني إحترافي باستخدام الفوتوشوب 

سادس كورس هو كورس عن كيفية مزج الصور ببعضها باش تخرج صورة جميلة جذابة وكيفاش تعمل إيفيكتات زوينة للصورة و تحولها من مجرد صورة عادية لصورة رائعة. http://edumefree.com/welcome/CourseDetails/353
وهادا كورس واحد اخر في فن الدمج و المزج
http://edumefree.com/welcome/CourseDetails/302

دابا جات نوبتك باش تورينا تصميماتك ا المعلم 😃
شارك المقال مع اصحابك باش يستافدو  ..

أفيشي لاسويت

الأحد، 8 يناير، 2017

كيف تحبط إحباطك في فترة الإمتحانات

احبط إحباطك

هاد المقال غنتكلموا  فيه من جديد عن كيفاش  نخرجوا من لحظات اليأس اللي كتصيب ناس بزاف .. المقال غيبقى فيه الكلام عام لأي واحد فأي مرحلة تعليمية .. 


كيف تحبط احباطك في فترة الامتحانات


لكن اللي فالليسي حاليا يتجمعوا هنا باش يقراوه.. واللي فالجامعة وعندوا امتحان فشهر واحد يجي هنا حتا هو 

حاليا كينين تلاميذ وطلبة بزاف كيقولوا أن المنهج ضاع .. السنة سالات .. اللي راجع غيكون راجع من الأول ....

أوكي .. وا بزاف؟ 

كتجي فكرة أن الواحد ندمان أنه ماراجعش من قبل .. وندم على اللي فات .. وندمان على حاجات هو أصلا مافكرش يديرها .... 
أوكي .. ناخدوا واحد الأسبوع غير ديال الندم .. 
و من بعد ؟ نندموا الأسبوع اللي بعدو على الأسبوع اللي ضاع فالندم  
وندوزوا حياتنا غير فالندم ؟؟ 
لا طبعا هادشي ماخدامش .. نوقفوا هنا .. STOP ..

 
المقال ديال اليوم غيكون عن أننا نبقاو متفقين أنه باقي الوقت وأننا حتى لو مابقاش الوقت
نحاولوا .... 
الناس ديال الجامعة يتفرجوا ويجلسوا فالجنب 


الناس ديال الليسي أو ثانوية دابا .. باقي مازال حوالي 5 شهور .. 
ناخذو الأمور بمنظور تاني .. أن البروجرام ماشي كبير بزاف لدرجة ان 5 شهور مايكفوش فالمذاكرة والمراجعة .. 
انت تخدم مزيان وغتلقى المراجعة غير متعبة ليك .... 
واش الله دابا أنا غيساويني بصاحبي اللي من أول شهر بادي الخدمة؟ 
ولا صاحبي اللي كان المستوى ديالو دايما أقل مني وراجع  أكتر وأصبح أفضل مني بكتير ؟ ولا ولا ولا .. ! هاد الاسئلة خاصك تحيدها 




 انت ديها غير فنفسك .. انت فقط.. أنت مكتعرفش هاد صاحبك اللي بادي من الأول باقي حافض ولا ضاع ليه داكشي .. وماتقولش بالطبع غيكون عاقل عليه .. أنت ماتعرفش .. خليك فنفسك انت .. 

الله واعدك أنك  لو أحسنت العمل فمغيضيعكش .. اذن ماتتشوفش خدمة غيرك .. خليك فخدمتك انت .. يمكن تكون فالمذاكرة أفضل من صاحبك .. 

ومن بعد ابدأ  تجهز نفسك انك صافي  باغي توصل .. بهاد الطريقة غتوصل ديال بصح .. بلا متكتئب .. حيت أصلا اكتئابك مغيفيدكش .. وبلا متيأس حيت اليأس اكبر حاجة ممكن تخرج عليك ...
خليك متفائل ... خليك متفائل وحافظ على إيجابيتك.. شوف دائما فالجانب المشرق .. هاكا غادي توصل ان شاء الله .. 

أخوتنا اللي فالجامعة اللي فوق 
 تعالوا بقا 


باقي على امتحاناتكم أقل من شهر .. واحد .. مغنشوفوش للشهر بحال هاك.. هغنشوفوه انه 30 يوم  وي ماكينش فرق لكن حيت الرقم كبير دكشي علاش   نعتابروه حاجة مزيانة .. 


أشنو المعمول ؟
ولا أي حاجة .. قسم المواد اللي غادي تدوز فيها امتحان .. على هاد 30 يوم دول .. ممكن كل مادة تعمل ليها 4 أيام أو 5 ..  على حسب مهارتك .. 

أنك مابقاش هندك لا توتر الثانوي .. ولا فدماغك شي حاجة تحسسك أنك فضغط .. 
وهادا غيخليك تراجع مزيان .. 
دائما نشوفو للجانب المشرق ونوصلوا 
#كيفاش_ويكي  



أفيشي لاسويت

السبت، 7 يناير، 2017

نظرية الإنفجار الكوني العظيم


لا شك أن مسألة خلق الكون من القضايا التي شغلت علماء الكونيات و الفلاسفة و رجال الدين، و زادت وثيرتها بعد ما قدّم الكاهن الكاثوليكي و العالم الفلكي البلجيكي "جورج لومتر" سنة 1927 فرضية تفسر نشأة الكون. و مع مرور الوقت و تطور العلوم، إنطلق العلماء من هذه الفرضية الأولى حول تمدد الكون لكي يعطي النظرية المسمات الان "الإنفجار الكوني العظيم" التي تعتبر في وقتنا أعظم نظرية  فالقرن العشرين.

الإنفجار الكوني العظيم




جائت هذه النظرية من أجل تفسير كيف تطور الكون من نقطة صغيرة إلى ما هو عليه الان ، بمآت الملايير من المجرات و النجوم و كيف نشأت المواد الكيميائية المختلفة من هيدروجين و هيليوم و إشعاعات...
في عشرينيات القرن الماضي، تمكن العالم الفلكي الأمريكي "إدويل هابل" من التوصل إلى أن المجرات ما زالت تتباعد عن بعضها البعض، و توصل بعدها بسنوات لقانون مهم سمَّاه "قانون هابل" ، وهو أن  المجرات تتباعد عن بعضها البعض بسرعات تختلف حسب المسافات، فكلما كانت المسافة كبيرة كلما كانت سرعة التمدد أكثر، و توصَّل العلماء من بعد الى أن التفسير الوحيد لهذه الظاهرة هو أن كل الكون إنطلق من نقطة وحدة، ثم بدأ في التوسع بكل مكوناته، وهكذا إستطاع العلماء التوصل لحساب عمر الكون بالرجوع إلى الوراء، و التي قدرت ب 13.8 مليار سنة.


 في نفس السياق -->  نظرية الفوضى و تاثير الفراشة 

عندما نقول أن الكون بدأ من نقطة واحدة، فلا نعني  أنه كان نقطة صغيرة وبدأت بالنمو، ولكن ببساطة، الكون بكل ما فيه من كواكب و نجوم و مجرات (الخ...) كان مجتمع في كتلة واحدة ثم بدأت هي نفسها بالتوسع و التباعد تدريجيا. أيضا لا يمكن القول أن هذه النقطة كانت هي مركز الكون، لأنها هي نفسها الكون مجتَمع.



نظرية الإنفجار الكوني العظيم 


حسب ماجائت به هذه النظرية فإن الكون يتمدد، أي أن الغرفة أو البناية التي أنت فيها حاليا هي الأخرى تتمدد يوما بعد يوم، لكن لا يمكن رصدها أو تحس بها بسبب  النسبة الصغيرة و البطيئة التي تتوسع بها، فلا يمكن رصد هذا التوسع إلا في المسافات الكونية الكبيرة.

عل سبيل المثال،  لو أخدنا التوسع بين الأرض و الشمس الذان تفصلهما ما يقارب 150 مليون كيلومتر، فنجد أن المسافة تزيد 10 أمتار في السنة، و بما أن قانون هابل يقول أن سرعة التوسع تكون متناسبة مع المسافة فإنه لا يمكن أن تحسس أو رصد هذا التوسع على مستوى كوكبنا. 

نظرية الإنفجار الكوني العظيم 
                   

المصدر: https://www.youtube.com/watch?v=1A13Eail-nw             

أفيشي لاسويت

بغيت ندخل مجال الترجمة.. كيفاش نبدا ؟

نهاركوم مبروك متابعي مدونة #كيفاش_ويكي الاوفياء اليوم معانا موضوع زوين من اعداد أحد الاخوة المترجمين من المعارف ديالنا واللي جاوب فيه على أهم الأسئلة حول المجال ديال الترجمة  كانتمنا تستافدو منو و اللي عندو أي استفسار يطرحو فالتعليقات أسفل المقال :)

___________________

"بغيت ندخل مجال الترجمة.. كيفاش نبدا ؟ وكيفاش نلقا خدمة ؟" أو "أنا كنترجم من انجليزية للعربية.. واش شي حد عندو خدمة ليا؟" ...

مجال الترجمة


كنلقاو أسئلة بزاف من هاد النوعية، وخصوصًا من الطلبة حديثي التخرج، ففكرت نقول رأيي المتواضع من وحي سنين خبرتي البائسة فالمجال ديال الترجمة لغاية الأن 
(داخل وخارج المغرب)، وغا نلخص كلامي فنقاط وغانختصر قدر الإمكان.

كيف أدخل مجال الترجمة ؟


الخطوة الأولى هي إتقان الترجمة
ماشي شرط أبدًا إنك تكون مترجم جيد لمجرد إنك متخرج من كلية متخصصة. على العكس، كيكون غالبا ماكيناش علاقة تُذكر بين مناهج التعليم فالكليات وبين متطلبات سوق الترجمة. و بالتالي أنت محتاج تشتغل على نفسك باجتهاد 
(8 ساعات يوميًا لمدة 3 شهور على الأقل) باش تتعلم ما يلي:

1. ترجمة: ممكن تبدأ بكتب دكتور محمد عناني (فن الترجمة + مرشد المترجم) وكتاب (أسس الترجمة) لدكتور عز الدين نجيب .

2. جرامر ديال الإنجليزية: ماكينش أفضل من كتاب English Grammar In Use. كل يوم اقرأ فصل منه وطبق التمارين عليه.

النحو العربي: ممكن كل يوم تقرا شوية فهاد اللرابط:
https://drive.google.com

القراءات العربية الرصينة: لازم تقرا روايات ومقالات فصيحة لكبار الكتاب بحال (المنفلوطي) و(الرافعي) و(طه حسين) و(أحمد شوقي)... بعد شهرين أو تلاتة غاتنبهر من جزالة ترجماتك وغاتتميز عن غيرك.. (وهادشي عن تجربة). ممكن تبدأ بهاد الكتاب:

الممارسة: لازم تبدا تترجم كل يوم ولو صفحة واحدة خلال فترة التدريب. ممكن تدخل على موقع الأمم المتحدة  للانجليزية (http://www.un.org/en/index.html ) وتترجم أي مقال وبعدها تفتح الصفحة العربية ديالو وتقارن ترجمتك بالترجمة العربية الموجودة عليه وتتعلم منها.

التواصل مع الشركات (سواء لشغل فُل تايم أو فريلانس): أنصحك فبداية دخولك المجال تشتغل فشركة ترجمة (متكونش أقل من سنة لسنتين تلاتة) وماتتسرعش فالشغل الفريلانس فالأول. محتاج توقف على أرض صلبة فالأول باش ماتبقاش سنين طويلة كتقلب فالحلقة المُفرغة ديالو ...

ماتدكرش كلمة (تدريب) أبدًا وأنت كتراسل أي شركة: هاد الكلمة غاتخليك ماتاخدش مرتب، حتى ولو كان هزيل فالأول، أو يا إما أصحاب الشركات غايستغلوك ويطالبوك بدفع تمن التدريب (مع إنك غاتدير شغل فعلي وغاياخدوا عليه فلوس من العملاء). قلّب فالأول على شركات باغيين مترجمين حديثي التخرج وماتقولش كلمة (تدريب) أبدًا.

ابحث عن مواقع وأرقام تليفونات شركات الترجمة. جرّب تراسلهم أو تزور مكاتبهم واختار أفضل شركة من حيث مجال التخصص اللي يناسب ميولك

رسالة التواصل (E-Mail): لو ماعندكش إيميل على جوجل اعمل واحد دلوقتي واكتب اسمك بدون إضافات ( بلاش أسماء هُلامية بحال "المترجم المحترف" أو "سامية الزوينة" )

 لازم تكتب عنوان للرسالة... بحال هاكا
 (Arabic Translator - xxxxx xxx') 

لازم تكتب فنص الرسالة توضيح لغرضك من التواصل. 
لو اكتفيت بانك ترفق سيرتك الذاتية بالرسالة من غير توضيح فالموظف الـمكلف بالموارد البشرية غايمسح رسالتك فوراً.

هاد النص الرسالة اسمه
(رسالة التعريف )... Cover Letter
ولازم تعرف فيه بنفسك باختصار وتذكر أهم مهاراتك والحاجات اللي تخلّي صاحب الشغل يختارك انت تحديدًا من بين مئات المترجمين
حاول تتجمل في وصف مهاراتك من غير مبالغة
(فكر فأشنو كيميزك عن غيرك واكتبو (المهم يكون ليه علاقة بالترجمة

 لازم ترفق فالرسالة سيرتك الذاتية ، وهادي يطول الكلام فشرحها وهي عنوان المترجم
المهم تكون مختصرة (ماتفوتش صفحتين أبدًا) وماتذكرش فيها أي معلومات
ماكتهمش صاحب الشغل (بحال "تاريخ ميلادك" أو "عنوانك التفصيلي" أو أنكي "عزيز عليك الطبخ والمسلسلات التركية"، وأكتب فيها أي مهارات أو هوايات متعلقة بالترجمة سواء في الكلية أو بعدها
وحاول تخلّي تصميمها مميز يشد العين

 من الأفضل انك ترفق بالرسالة شي مجلد فيه عينات من أعمالك المترجمة 
بشرط تكون مراجعها مزيان – وطبعًا مايكونش فيها أي أخطاء إملائية أو همزات أو تاء مربوطة

ولو ماعندكش أعمال مترجمة ممكن تشوف أي مقال انجليزي زوين وتترجمو وتعتبرو عينة من أعمالك المترجمة

دير شي توقيع احترافي فنهاية رسالتك غايكون ثابت فأي رسالة منك

لو الشركة ردات عليك بإذن الله
 بداية مبروك؛ مجرد رد الشركة عليك خطوة زوينة على الطريق. رُد على رسالة
الشركة بنفس اللغة (المفروض الشركة ترد عليك بالأنجليزية، لكن فرضنا لو الرد بالعربية رد عليهم بالعربية

 لو الشركة طلبات منك تعمل اختبار اجتهد جدًا فيه (حيت الانطباعات الأولى كتدوم) وراجعو مزيان

ما تقبلش اختبار فيه أكتر من 300 كلمة فكل مجال (قانوني أو طبي أو تسويقي مثلاً). ولو طلبوا توقيت معين لإرسال الاختبار التزم بيه بشرط تكون شركة معروفة

لما تنجح في الاختبار –بإذن الله- مايكونش هدفك الأول هو الفلوس وأنت كتفكر في عرض الشركة، ولكن ركز على تلقي الملاحظات على ترجمتك  وتنوع مجالات العمل فالشركة ووجود بيئة احترافية

كلام أخير
 خلليك متفائل وماتخلليش الإحباط يتسلل ليك: المجال سخي جدًا للمجتهد والموهوب. أعرف مترجمين موهوبين دخلهم الشهري ممتاز جدًا جدًا (ما شاء الله) ويمكن ماكملوش عامين تلاتة فالمجال. في المقابل لو اخترت طريق الترجمة السريعة بدون الاهتمام بالجودة ممكن تربح شوية فالأول، لكن مع الوقت غاتتأخر وتتراجع وغاتفقد سمعتك فالسوق
أفيشي لاسويت

الجمعة، 6 يناير، 2017

عنداك تصحابك إنك لو تزوجتي ملتزم غتعيشي فجنة الخلد فالدنيا !

هادا مقال مميز كتباتو واحد الانسة لموقع ويكي كيفاش فضلت أن لا يتم الافصاح هن اسمها واختارت له عنوان  ..

عنداك تصحابك إنك ملي تتزوجي رجل ملتزم أنك غتعيشي فجنة الخلد فالدنيا !

اسلام


ودارت المقال ديالها على شكل عوارض كتوضح فية الاسباب ديال أختيارها لهاد العنوان  .. 

  • هو رجل بحال أي رجل اخر
  • فيه العيوب السيكولوجية اللي موجودة فأي رجل تاني.
  • وكيعمل الحاجات المستفزة اللي كيعملها أي رجل تاني
  • وكيقصر فبعض الأحيان .. أو بزاف
  • وماشي دايما كياخد بإيد زوجته ويطلعها معاه لبيتهوم
  • وما كيسبحش على صوابعها بعد كل صلاة.
  • وماشي طول الوقت كيعاملها معاملة القوارير، عادي ممكن فأي لحظة غضب يكسر كل القوارير اللي فالبيت.
  • بلاش تبني شي بيت سقفه أحلام بجوج كلمات مُعلبتين سمعتيهم من شي حد
  • حيت الصدمة كتكون خايبة بزاف.
  • الرجل الملتزم ماشي سوبر مان، هو مجرد رجل عادي كيجتهد أنه يلتزم بالطاعات ويتجنب المعاصي -وهادشي اللي مفروض أننا كلنا كنديروه يعني! ..
  • ولفظ ملتزم / ملتزمة أساسا أنا معترضة عليه قلبا وقالبا
  • لأنه مطاط ومعندوش معيار حقيقي، مجرد حسابات ظاهرية فقط !
  • فقط هادشي اللي كاين .. نقطة و ارجع السطر.


كان هادا مجمل مقال الكاتبة ديالنا و كالعادة متابعي موقع ويكي كيفاش الأوفياء اللي عندو مايضيف يتحفنا بالنقاش ديالو وشكرا و تحية عالية لكم ..
أفيشي لاسويت

[للرجال..] كيفاش تكون انيق و جداب باستمرار


كيعتاقد البعض أنّ الموضة حكرٌ على النساء فقط، ولكن فالحقيقة الرجال عندهوم حصّتهم الكبيرة من هاد العالم اللي بدا كيخصّهم بتصاميم مبتكرة وألوان جريئة كتناسب شخصياتهم المختلفة ومجالات العمل ديالهم.


handsome


يقدر ما يكونش فالمجر ديالك أشهر الماركات العالمية، ولا أحدث أنواع الموضة فالحوايج، ولكن عندك داكشي اللي كيناسب الجسم ديالك، ادن حاول تعتني بالنظافة ديالك الشخصية، وما تهملهاش، فهاد الأشياء كتخليك ديما منور، يمكن ليك تجذب الكثير من الصداقات والعلاقات، فقط دير هاد العادات او تفكرنا بشي دعوة ديال الخير :


____غسل وجهك ____

يمكن يجيك  هاد الأمر غريب شويا، ولكن بزاف ديال الرجال  مكيعرفوهش، فملي كتكون خارج برا، وفظل جو مشبع و عامر بالأتربة ودخاخن ديال السيارات وغيرها، كتراكم على الوجه كميات كبيرة مكاتشوفهاش من البكتيريا والجراثيم والأتربة، التي كتسد المسام ديال الوجه و كتمنع تنفس الجلد.

واللي  كيزيد الأمر سوءا، إنه ملي كتمشي للدار، و كطيح فوق الوسادة، كيلصق داكشي اللي فوجهك كاملو عليها، وهادا سبب رئيسي في ظهور دوك البثور والحبوب اولا الرؤوس السوداء اللي كايقولو ليهم على الجوانب ديال نيفك، حاول  تغسل وجهك بغسول مناسب باش تكون أكثر إشراقا.


___قطع ظفرانك___

خاص يديك يكونو دايما نقيين ونظاف، حيت بزاف ديال الرجال مكيهتموش بتقليم ظفرانهم و كايبانو بشكل بشع ومنفر، ويكفي أنك تتخيل راسك وأنت كتاكل معا شي واحد وظفارك طوال، الانطباع الأول الذي غياخذ عليك أنك ما نقيش، وهادشي غيخلي الناس يبعدو منك .

___ديها فاسنانك و فمك___

أسنانك وشفاه ديالك عمدهوم دور كبير فابتسامتك، والاهتمام بيهوم سهل للغاية خاص غير شويا ديال المواظبة على غسل الأسنان على الأقل جوج مرات فالنهار، و الا كانو الشفتين ديالك جافين و فيهم تشققات ماتحشمش من استخدام مرطب للشفاه اللي مغندوش اللون ياش تكون أكثر وسامة.

و الا كنتي كتكمي، خاصك تبقا تاكل المسكا دائما، بلا ماتحشم قدام الآخرين، أولا استخدم شي معطر ديال الفم باش يحيد الريحة ديال التبغ التي كتفوح من فمك، باش تكون أكثر ثقة فالتعامل معا المحيط ديالك الخارجي في الخدمة أولا مع الأصدقاء.


___الذقن والموسطاج___

دائما حاول تهتم بالوجه ديالك، فالى كنتي من الناس اللي كيديرو اللحية والشارب، ماعمرك تدير عطور على شعر ذقنك اولا الكادومة ديالك، حيت غتسبب ليك فصدور رائحة غريبة، حاول غير تخليها خفيفة بالشكل اللي يوالمك.

___حاول تختار عطر مناسب___

أهم ما كيميز الرجل الأنيق، هو العطر الخاص والمميز ديالو، حاول تنتاقي العطر المناسب ليك ولشخصيتك، بلا ماتكلف راسك وتمشي للعطور غالية الثمن، و عنداك تصيدك الفخامة ديال القرعة، و لكن قلب على الرائحة المناسبة ليك، و ما تديرش العطر على الجلد ديالك مباشرة .

___تسوق بزاف___

قليل فين كيمشيو الرجال يتسوق  باش يشريو ملابس لمناسبة معينة، ولكن السر الكبير ديال الرجل الأنيق هو أنه كيتقدا بزاف، و ما كيشريش  إلا دكشي اللي كيناسبو وكيناسب الجسد ديالو،  التسوق كيخليك تعرف الجديد و الاواخر ديال التصميمات، و كيسهل عليك تختار دكشي اللي  كتفضل و عزيز عليك.
أفيشي لاسويت

كيفاش تكتب سيرة ذاتية متميزة

ايلا كنتي طالب أو تخرجتي من الجامعة وكتقلب على خدمة ،ديك الساعة الاكيد غادي يطلبو منك ترسل لهم (السيرة الذاتية) carriculum vitae ولي كنختاصروها بحرفي" cv" ومعاها طلب باش يطالعو على المؤهلات ديالك ويشوفو واش تتناسب مع الاحتياجات ديال الوظيفة اللي قدموها ومتطلباتها.

سيرة ذاتية


ولاكن شنو لي غيخليهم يتاصلو بك وانت من بين العشرات لي دافعين ،باش يحددو معاك المقابلة الشخصية؟ بطبيعة الحال من سيرتك الذاتية وشنو كتبتي فيها ومدى التميز ديالها، غنعطيكم بعض النصائح لي ممكن تفيدك فكتابة سيرة داتية متميزة على البقية :

  1. -فكر فالمعلومات لي خاص تكون موجودة واكتبها ،بحال المعلومات الشخصية والقراية والمؤهلات وخبرات العمل السابقة،ونضيفو ليها بعض المهارات لي عندك والانجازات لي سبق لك درتيها.
  2. اكتب اسماء برامج الكومبيوتر لي كتعرف تخدم عليها سوا كانت مكتبية بحال  words,Mexcel ،او برامج تصميم  ولا لغات برمجة وخاصك تذكر ليهم مستوى الاحترافية ديالك فيها،ركز بزاف على البرامج لي عندها صلة بديك الخدمة لي دافع ليها
  3. -اكتب اللغات لي كتعرف ليها ومدى اتقانك لكل لغة سوا كتابة وقراية ولا الهدرة بيها وضيف شهادات احترافية اللغة ايلا كاينين.
  4. -اكتب هواياتك واهتماماتك وحاول تركز على الانجازات لي وصلتي لهم فيها مثلا بحال (كنت قائد فريق كرة القدم فالمدرسة وربحنا كاس البطولة المدرسية...) حيت معلومة بحال هادي غتبين انك قائد فريق ممتاز وكتعطيك نقطة لصالحك
  5. -اكتب مهاراتك الشخصية وحاول تربطها بمتطلبات وشروط الوظيفة وغيكون مزيان ايلا ذكرتي انك شخص اجتماعي وكتبغي التواصل مع جميع الناس باختلافهم-ايلا كنتي بصح هكاك-وايلا كانت الوظيفة فمجال العلاقات العامة.
  6. -ركز فسيرتك الداتية على الخبرات لي عندها علاقة بهاديك الخدمة،واشرح مزيان الوظائف لي كنتي كتقوم بيها فخداميك اللي دازو.
  7. -كتب الدورات التكوينية لي دوزتي ،سوا كانت فمعاهد خاصة ولا شركات،كيف ما يمكن ليك تتكلم على الاعمال التطوعية لي سبق ليك وشاركتي فيها ،حيت الدورات التدريبية كيف ما كانت كتعطي انطباع على حبك للتعلم،والاعمال التطوعية كتعكس روح المبادرة عندك وهذا غيكون ايجابي بالطبع.
  8. -خصص شوية للهدرة على انجازاتك اللي قمتي بيها سوا على صعيد حياتك الدراسية ولا اعمالك لي دازت (بحال معدل تخرج،مكافأة،ولا رسالة شكر من مديرك...).
  9. حاول تكون سيرتك الذاتية قصيرة ومختصرة حيت الهدف منها اعطاء لمحة عليك ماشي كتابة مسيرة حياتك كاملة.
  10. -اختار الكلمات ديالك بعناية ومتكررش المعلومات،وتأكد انك مدرتيش اخطاء املائية حيت هي دليل على ان مول cv عندو زايد ناقص وتقدر تكون سبب فالرفض.
  11. -حاول تخلي التصميم ديال سيرتك بسيط وماشي معقد ويكون الخط واضح.
  12. -قرا سيرتك شحال من مرة قبل ما ترسلها والافضل تعطيها لشي حد اخر يراجعها ليك.
  13. -قرا مزيان طلبات الوظيفة وشوف واش طالبين شي اوراق اخرين معا cv (صورة من شهادات الخبرة -صورة من الشهادات الاكاديمية-رسائل توصية...)
  14. -راجع الشروط المطلوبة للخدمة وتأكد انك مؤهل ليها وانك ذكرتيها فسيرتك الذاتية وهكا غتكون اطلعتي على طريقة اعداد سيرة ذاتية تضمن ليك انهم غيتاصلو بك باش يحددو مقابلة عمل،والمقابلة هي الخطوة الاهم باش تبين راسك ويتأكدو من المعلومات لي كتبتي لهم فالسيرة الذاتية وواش نتا فعلا مناسب لديك الخدمة المطلوبة ولا لا ....
كانت هادي 14 من اهم النصائح اللي يمكن يفيدوك باش تدير CV فالمستوى و تتميز بيه على الاخرين .. الا عندك شي اضافة اولا شي ملاحظة فمتبخلش علينا بيها او ديرها فالتعليقات باش ناقشوها كاملين ... 
أفيشي لاسويت