كيفاش تأسس شركة أو مقاولة فالمغرب 2017

- 5:33 م

بعد ما تكمل  المراحل ديال التحضير و أختيار المشروع اللي كاتطمح ليه؛ يمكن ليكم تخلقوا المقاولة ديالكوم و تفعَّلوا الإلتزامات ديالكم من خلال هاد الإجراءات القانونية و المالية و الترويجية، فهاد الخطوات التالية اللي جمعها ليكم موقع كيفاش ويكي :
 كيفاش تأسس شركة أو مقاولة فالمغرب 2017


أول إجراء ملي تبغي تخلق مقاولة هو  تحديد الإسم ديال الشركة، و تجيب الشهادة السلبية، و هادشي خاص بجميع الشركات التجارية من غير المقاولات الفردية اللي ما عندهاش شعار خاص بيها؛ و يمكن تحصل على هاد الشهادة إما عن طريق وضع الطلب  مباشرة عند المركز الجهوي للإستثمار، و معاه الوثائق اللازمة؛ و إما إلكترونيا من خلال الدخول للموقع الالكتروني ديال المكتب المغربي للملكية الصناعية، اللي كيعطي للزبناء الخِدمة ديال طلب الشهادة السلبية عبر الانترنيت

ها الرابط دياهوم 


خاصك تنتابه أن هاد الشهادة السلبية كتعتبر لاغية، إذا ما سحبتيهاش خلال أجل ديال شهر واحد من التاريخ اللي خرجات فيه.  و كتولي ملغاة أيضا إذا ما تسجلتيش بيها عند المصلحة ديال السجل التجاري باش تسجل فيه خلال الأجل ديال سنة واحدة من التاريخ اللي خرجات فيه.

 من  بعد هاد الخطوة خاصك تحدد المقر ديال الشركة، و غادي يخصك توفر الوثائق التالية :


  • 3 ديال النسخ من عقد الإيجار بالسميَّة ديال الشركة. ( خاص التوقيعات اللي فهاد العقود تكون مــGـاليزية )
  • العقد باش شريتي المقر أولا الأصل التجاري
  • شهادة التوطين: كايجيبوها فقط الأشخاص الطبيعيين اللي كايخلصوا الضريبة المهنية  والأشخاص المعنويين معنيون. و خاص هاد الشهادة يكون فيها التوقيع ديال المالك المصادق عليه على الوراق الرسمية ديال للشركة اللي كيكون فيه العنوان المضبوط و الدقيق لهاد الشركة و الرقم ديال السجل التجاري ورقم التسجيل فجدول الضريبة المهنية و رقم التعريف الضريبي.

و من الأحسن طلب إشعار بالخضوع لضريبة النظافة أو الضريبة المهنية من المالك الرئيسي أو الساكن.

××  مدة الصلاحية ديال شهادة التوطين مكتفوتش 6 أشهر. من بعد ما تفوت هاد المدة، خاص الشركة تقدم شهادة توطين جديدة للمحكمة

  من بعد هاد الخطوة؛ خاص تصاوب  البيانات ديال الإكتتاب أولا عقود الحصص كيف كاتسمَّى،  و خاص إتحط كذلك النظام الأساسي ديال المقاولة، عند المكتب اللي مكلف بالمسائل القانونية. و كايهَم الشركات التجارية، خاصة الشركة المجهولة الاسم و الشركات ديال التوصية البسيطة و شركة التوصية بالأسهم و كذلك الشركات المدنية. و خاص هاد النظام الأساسي يكونوا فيه هاد المعلومات :


  • الهوية ديال الشركاء؛
  • سمية الشركة؛
  •  الغرض الاجتماعي ديال الشركة؛
  • المقر الاجتماعي ديال  الشركة؛
  • رأس مال الشركة؛
  •  التوزيع ديال رأس المال؛
  •  تسمية المتصرفين الأولين؛
  • الموَقِّعين المؤهلين لإلزام الشركة؛


 يجب التوجه بعد ذلك لوكالة بنكية محلية مرفوقا بالوثائق اللازمة قصد تجميد الرأس المال المحرر و استلام شهادة بذلك، و يتعين القيام بهذا الإجراء  في أجل ثمانية أيام من تاريخ تسلم الشركة للأموال، و يهم الشركات التجارية، خاصة الشركة المجهولة الاسم والشركة ذات المسؤولية المحدودة وشركة التوصية البسيطة وشركة التضامن وشركة التوصية بالأسهم.

  من بعد ما تصرَّح بهاد الإكتتاب و تخلَّص فشي مكتب ديال المستشار القانوني بواسطة عقد عرفي أولا موثَّق، كتدلي بيه عند الملحق ديال المحكمة اللي تابع ليه المقر ديال المؤسسة إذا تعلق الأمر بشركة مجهولة الاسم و هادشي من  بعد الإدلاء بشهادة تجميد الرأس المال المحرر.

  كاتجي من بعد هادشي مرحلة الإعلان فالجريدة ديال الإعلانات القانونية و الجريدة الرسمية،   و  كيتكفل بيه المركز الجهوي للاستثمار بعد التقييد فالسجل التجاري .

 إلا أنه بالنسبة لشركات المساهمة و شركات المساهمة البسيطة والمجموعات ذات النفع الاقتصادي، كيتم النشر فالجريدة ديال الإعلانات القانونية قبل التقييد بالسجل التجاري، و كاتجي من بعد منو عملية نشر ثانية فجريدة الإعلانات القانونية و فالجريدة الرسمية من بعد التسجيل.

 بعد ما تكملوا هاد الخطوات السابقة كولّها، خاصك توجة إلى المركز الجهوي للإستثمار مرفوقا بالوثائق اللازمة قصد الحصول على الشواهد التالية :


 نسخة من النظام الأساسي كتحمل الإشارة ديال التسجيل؛
 نسخة من عقد الإيجار إذا كان ضروري؛
 نسخة من شهادة التسجيل فالضريبية المهنية؛
 نسخة من التصريح بالوجود؛
 شهادة الانخراط  فصندوق الضمان الاجتماعي؛
 بيان إشعاري لما يلي: 
رقم السجل التجاري 
رقم التسجيل في الضريبية المهنية 
رقم التعريف الضريبي 
رقم الانخراط في صندوق الضمان الاجتماعي؛
هذا الإجراء كايخص الشركة المجهولة الاسم، و الشركة ذات المسؤولية المحدودة، وشركة التضامن، وشركة التوصية البسيطة، وشركة التوصية بالأسهم.

شاركنا معاكم اليوم موضوع كيفاس تقاد أو تصاوب أو تأسس شركة أو مقاولة فالمغرب و هضرنا على المراحل المهمة فالتاسيس للشركات و كذلك الوثائق الضروية و أهم الشروط اللي كاتخص هاد الموضوع 

 كنتمنى نكون جاوبت على جميع التساؤلات ديالكم عليكم حول هاد الموضوع ديال تأسيس المقاولة فالمغرب و اللي سولني عليها بزاف ديال الأخوان فهاد 2017 

كالعادة اللي عندو مايضيف يتفضل مشكورا فالتعليقات أسفل الموضوع و تحية عالية لكم و السلام عليكم و رحمة الله تعالى و بركاته.

إعلان