مشروع بيع العطرية والتوابل بالجملة فالمغرب

- 11:38 م
مشروع بيع العطرية والتوابل بالجملة فالمغرب من المشروعات الصغيرة اللي فيها الفلوس و اللي متميزة و يمكن ليك تحقق أرباح كبيرة خصوصاً اذا وفرتي منتجات متنوعة و ذات جودة مزيانة و تمن زوين و تم التسويق ليها بإحترافية.


أفكار مشاريع مربحة في المغرب


 فهاد المشروع ديال اليوم على موقع كيفاش ويكي غادي نوضح كيفاش تنفذ هادشي و نشوفوا التفاصيل ديالو .

الموقع و التجهيزات ديال المشروع:

غادي يحتاج المشروع لشي  محل و يكون فيه شي بلاصة باش تسطوكي السلعة، حيت المحل غادي تدير فيه غير الشونتيوات ديال السلعة، و من الأفضل يتواجد هاد المحل و المخزن الخاص به فشي منطقة تجارية مشهورة بـ تجارة البهارات والتوابل أو العطرية و المواد الغذائية الاخرى حيت هي المناطق اللي كيمشي ليها اصحاب العطارات الصغيرة والمحلات و الحوانت و غيرهم ملي يبغيوا يشريو . و بالنسبة لتجهيزات ديال المشروع ديال العطرية (عطار) فهاد المشروع  غادي يخصك أرفف خشبية باش تستف فيها البضائع و خاص  تكون الارضية مستوية ومصنوعة من السيراميك، وبالنسبة للمخزن ديال السطوك اللي غادي تدير فيه السلعة فخاص يكون نظيف و بعيد على التراب و فيه ساريات ديال الخشب و الأرفف ياش تستف المنتجات عليها.

كيفاش تشري السلعة:

غادي تشريها من المطاحن الكبرى و الشركات ديال الاستيراد اللي كتستورد من الدول الاجنبية بحال الهند و فيتنام والمكسيك وغيرها، هاد المنتجين و المستوردين يمكن توصل ليهم من البحث فالانترنت أولا تسول المعارف ديالك.  و من بعد ما توصل لهاد المستوردين و التجار يمكن ليك تواصل معهم باش تعرف أشنو هي أقل كميات اللي  كايبعوها و تشوف الأسعار و كيفاش  كيصيفطو السلعة و التسهيلات ومن تما يمكن ليك تختار المصدر او المصادر ديال التوريد اللي كتناسبك .

العمال اللي غادي تحتاج فهاد المشروع:

غادي تحتاج إلى موظف او 2  باش غخدمو فالمخزن غادي يبقاو يشارجيوا و يحطوا السلعة  و البضائع الواردة و الصادرة و و يعرفوا أشنو خاص و اللي ناقص  فالمخزون و غادي  تحتاج لموظف أو أكثر باش إخدموا فالمحل و يتعاملوا مع الكليان.

التسويق و المبيعات :

يمكن تعلق شي لافتة كبيرة فالواجهة ديال المحل باش تعرَّف الناس بالمشروع .
يمكن ليك طباعة كروت الأعمال فيها الإسم ديال المشروع و أرقام الاتصال وتفرقها على الكليان اللي شراوا من عندك .
يمكن دير منشورات اعلانية على الصفحات التواصل الاجتماعي و فالمنتديات .
في مرحلة متطورة يمكن تفتح موقع إلكتروني إحترافي كيوضح تاريخ الشركة و الأهداف ديالها و المنتجات اللي كتقدمها، بحال كيف كايديروا الشركات الكبرى والمتوسطة فمختلف المجالات.


شاركنا معاكم اليوم مشروع بيع العطرية والتوابل بالجملة كنتمنى نكون جاوبت على جميع التساؤلات ديالكم عليكم حول هاد المشروع المربح و كالعادة اللي عندو مايضيف يتفضل مشكورا فالتعليقات أسفل الموضوع و تحية عالية لكم و السلام عليكم و رحمة الله تعالى و بركاته.

إعلان