الاثنين، 24 أبريل، 2017

كيفاش يبغيوك الناس ؟ كيفاش تكون شخصية محبوبة ؟

كيفاش تكون شخصية محبوبة ؟


كيفاش تكون شخصية محبوبة ؟


ملي كنشوفوا شي واحد الناس كيحبوه وعندو كاريزما كنتمناو نكونو بحالو، و كنفكرو أننا صعيب نكونو بحال هاك، فالحقيقة الكاريزما شي حاجة مكتسبة ونقدروا نتعلموا و نتدربوا أننا تولي عندنا كاريزما بسهولة. فهاد المقال الجديد على موقع كيفاش ويكي غادي نعرفوا إن شاء الله مع بعضنا كيفاش نكتسبوا هاد الكاريزما.


1- إسمع أكتر
خاصك تعوّد راسك أنك تسمع أكتر من أنك تتكلم، أعطي إهتمام للحديث ديال اللي كيكلمك وخليك مستمع جيد و خليه يحس أنك مهتم تسمع ليه بزاف و أنه شخص مهم بالنسبة ليك، متقاطعوش بزاف ومتبقاش تعطي نصائح بزاف بشكل مبالغ فيه طالما ما سولكش.


2- ركز مع اللي كيهضر معاك
ملي شي حد كيتكل معاك أعطيه إهتمام ومتسمعش أجزاء معينة وأجزاء لا، خلي الهاتف ديالك و تواصل مع اللي كيكلمك بعينك، وبلا ما تبقى تشوف فالهاتف ديالك أو الساعة كل شوية لأن هاك غادي يحس بقلة الإهتمام.

3- متفكرش فالنتائج و أنت كتساعد
ماشي لازم تاخد شي حاجة دابا نيت من داكشي اللي كتعملو مع الناس، ركز أنك تساعدهم وتدعمهم بزاف لأن هادي حاجة غادي تخليك تكسب علاقات كتيرة حقيقية وغادي تدوم لفترات طويلة.

4- إهتم بنفسك بحال غيرك
إهتم بالناس وخلي هادا هو الإنطباع اللي كايحسوه منك من أول مرة، و أنك عندك صدر رحب لكل الناس بكامل إختلافتهم.

5- ساعد و تعامل و عاون
ساعد الناس اللي دايرين بيك أنهم يحققوا أهدافهم وأنهم ينجحوا فحياتهم، ادعمهم برأيك ونقدك البنّاء ونصايحك بجميع ما تقدر.

6- إنصح مزيان
لو اتحطيتي فموقف أنك تعطي نصيحة لشي حد، أختار الأسلوب الانسب، يعني بلا ما تكون بشي نبرة تعالي أو تحسسو أنك كتعرف اكتر منُّو، خليه يحس أنك خايف على مصلحتو وباغي ليه التوفيق.

7- خلي بالك من كلامك
خلي بالك من كل كلمة كتقولها لأنك معارفش مدى تأثير كلامك على اللي كايسمع ليك، ممكن كلمة صغيرة تغير حياة شخص، وملي تبغي تنتقد شي حد اختار اسلوب وكلام يخليه يتغير للأفضل ويثيق فكلامك.

8- اتعلم كيفاش تقول لا
كاين واحد  الفن كايتسمى "كيفاش تقول لا" ، يعني حاول ملي تقول لا لشي حد على  طلب أنك تختار أسلوب زوين بيه تقدر ترفض وبيه تراعي شعور اللي قدامك.

9- متناقش شي حد فشي حاجة كيكرهها
ملي تكون تتكلم مع الناس بلا متتكلم فحاجات كيتضايقوا منها أو ماكيحملوش يتكلموا فيها، لأن هادشي غادي يخلي  أثر سلبي عليهم من ناحيتك ومغاديش يحبوا يتكلموا معاك تاني.

10- إبتسم
أسهل طريقة لقلوب الناس هي الإبتسامة، خليك مبتسم دايمًا وبشوش، إعطي للناس أمل بالإبتسامة ديالك

ملحوظة: البوست ليس من كتابتي ولكنه يستحق النشر، والتفاعل.
دمتم سعداء

حاز هذا المقال على 0 تعليقات


كن شخصا مؤثرا.. واترك بصمتك !
رأيك حول الموضوع يهمني كثيراً
سمايلاتEmoticon

المقال التالي التالي
المقال السابق السابق