آفاق شعبة الإنجليزية فالمغرب و الرواتب لكل مهنة

- 12:06 ص
يمكن نقولو أن اللغة الانجليزية أحتلت الصدارة العالمية حيت كيفما كانشوفو ولات كاتقرَّا فالجامعات والمعاهد بزاف و حتى فالمستوى الابتدائي و هي اللغة ديال المؤتمرات وزيد وزيد ...

و اليوم إن شاء الله فموقع كيفاش ويكي غادي نتكلموا على أفاق تخصص اللغة الإنجليزية في المغرب و الأجر اللي كايخدوه فكل مهنة .. تابعوا معنا إلى الآخر ..
آفاق  شعبة الإنجليزية فالمغرب عديدة منها




آفاق شعبة الإنجليزية فالمغرب و الرواتب لكل مهنة
















  • طبعا التعليم : مغاديش نحتاجو شرح لهاد المهنة، كيترواح الأجر أو الراتب ديال المدرس مابين 5000 الى 12000 درهم على حسب الدرجة ديال السلم
  •  مترجم عادي : يمكن ليك تخدم عند شي شركة يكون عندها علاقة مع شركات أجنبية اللي كتطلب يكون عندها مترجم .. كايبغيو شي واحد يترجم الرسائل و الخطابات و الاوراق و المستندات الخ ، و لكن الاجر كايبان ليا ضعيف مابين 2000 إلى 4000 درهم
  • مترجم محلف عند الدولة : كايدير نفس العمل ديال المترجم العادي لاكن كيترجم كل ما  كيخص الأوراق الادارية اللي عندها علاقة بالحكومة مثلا إلى بغيتي  تدفع طلب باش تصاوب فيزا (تاشيرة) للسفر الى دولة كتحدت بالانجليزية (انجلترا ، امريكا ، استراليا ،…) ما يمكنش تدفع الاوراق الادارية المطلوبة بالعربية الى السفارات و لدلك غادي تتوجه عند هاد المترجم المحلف باش يترجم ليك الوثائق بحال ( وثيقة عقد الازدياد كيترجمها ب 100 أو 150 درهم و هي وتيقة ما  كتستغرقش من الوقت حتى 5 دقائق ) الأجر دسال هاد الوظيفة متعلق بيك و بالمهارات ديالك و كيتراوح بين 5000 الى 40000 درهم شهريا
  • الاشتغال فشي سفارة : ما عنديش معلومات بزاف على هاد الوظيفة غير ان الاجر كبير +10000 درهم
  • يمكن تخدم فوزارتي الدفاع والداخلية : نفس الخدمة ديال المترجم لاكن العمل هنا غادي يكون فما يخص الوزارات و ترجمة المراسلات و و كيتضمن هاد العمل السفر مع البعتة ديال الوزير إلى البلدان الأخرى و غايكون أيضا الاجر عالي +10000 درهم مع بزاف ديال  الامتيازات حيث كايخدم المتخصص فاللغات فجمع المعلومات و التقارير العسكرية والأمنية و أعمال التحقيق والقضاء و كايترجمها
  • العمل فالشركات ديال الطيران
  • و العديد من الوظائف اللي يمكن تكونوا عارفينها أصدقائي و نسيناها حنا فالموقع .. اللي عندو شي إضافة أو سؤال يتفضل مشكورا فالتعليقات أسفله ...
تحية عالية لكم و السلام عليكم و رحمة الله مع تحية موقع كيفاش ويكي 
إعلان