دراسة إنشاء مشروع صغير ديال صالون حلاقة فالمغرب

- 3:32 م
فالأول  الفكرة ديال إنشاء مشروع صغير ديال صالون حلاقة من الافكار المزيانة و اللي فيها الفلوس بزاف فالوقت الحالي حيت هادي راها خدمة رئيسية و ضرورية لكل واحد و مايقدرش يستغنى  عليها حيث  الرجال كايمشيو كل سيمانا أو 15 يوم باش يحلقوا الشعر واللحية  و منه فإن الزبائن موجودين ويمكن ليك تربح الفلوس من وراهم
مشروع صغير ديال صالون حلاقة

 ولكن اللي خايب فهاد المشروع  هو كثرة المنافسين بزاف ديال المحلات يمكن  تنافسك و لكن يمكن ليك تفادى هاد العقبة بسهولة من خلال اختيار مكان مناسب بعض الشئ وتقدم داكشي اللي كايبغيوا الناس بالظبط، فإذا استطعتي تقدم داكشي اللي كايبغيوا فمغاديش يخليوك ويمشيوا لغيرك مهما كانت المنافسة.

البلاصة ديال الـمشروع ديال صالون الحلاقة:

كايتميز هاد المشروع بأنه يمكن يتقام فأي بلاصة فيها السكان يمكن يتقام فالمناطق الشعبية و لكن الأرباح غادي تكون قليلة و يمكن يتقام فالدواور وغادي تكون الارباح قليلة أيضا ويمكن يتقام فالمناطق الراقية وغادي تكون الارباح كبيرة ولكن غادي تزيد التكاليف شويا و غادي تزيد الخدمات اللىي كيقدمها المحل ايضاً، و على هاد المعطيات يمكن ليك تحدد فين غادي تبدا المشروع ديالك. 

العمال المطلوبين لهاد المشروع الصغير ديال الـصالون حلاقة :

لنفرض أن هاد المحل كحتوي على ثلاثة ديال الكراسى فغادي  تحتاج لثلاثة ديال الحلاقيين و شي ولد يدير التنظيف. 

خدمات إضافية يمكن يقدمها هاد المشروع الصغير ديال صالون حلاقة:

يمكن ليك فمشروع صالون حلاقة تقدَّم خدمات إضافية وفالحقيقة لابد  تقدمها باش مايخليوكش الكليان  ومن امثلة هاد الخدمات مثلا الماسكات و تسريحات ديال المشاهير وغيرها ....

الأرباح ديال هاد المشروع الصغير ديال صالون الحلاقة :

نفترضوا مثلا  أن عدد الزبائن فاليوم هو 20 زبون وكل زبون كايعطيك 20 درهم  فإن الربح اليومى غادي يكون 400 درهم وبالتالى فإن الربح الشهرى غادي يكون 400×26 يوم = 10400 درهم 
غادي تنقص منها الخلاص ديال الخدامة و الكرا ديال المحل نعطيوه مثلا 6000 درهم والباقي 4400 درهم هي  الربح الصافي.
ملحوظة: هاد الارباح تقديرية ويمكن تزيد أو تنقص على حسب المكان وعدد الزبائن و السعر،، ولكن  فالأعياد والمواسم كتفوت هاد الرقم بزاف.

شاركنا معاكم اليوم مشروع صغير ديال صالون الحلاقة كنتمنى نكون جاوبت على جميع التساؤلات ديالكم عليكم حول هاد المشروع المربح و كالعادة اللي عندو مايضيف يتفضل مشكورا فالتعليقات أسفل الموضوع و تحية عالية لكم و السلام عليكم و رحمة الله تعالى و بركاته.

إعلان