شحال من عام نتا عايش و هو عايش معاك.. قدّرو و تهلاَّ فيه ..

- 1:54 ص
شوف أنت دابا شحال من عام هادي ونتا عايش! كاينة واحد العضلة قد كف إيدك موجودة فالجسم ديالك، مسيّرة بواحد القوة خفية لا إرادية حتى شي حد ما يعرف عليها شي حاجة.. هاد العضلة هي اللي مخلياك جاس  و كتقرأ هاد البوست. فتعالوا باش نعرفوا أكتر على هاد الأعجوبة الحية

مع أن الوزن ديالوا ما كيتعداش 310 جرام، إلا أنه كيضُخ يوميًا ما يُعادل 7570 لتر من الدم فخلال أكتر من 96560 كيلومتمر من الأوعية والشرايين المُمتدة فالجسم كاملوا. حوالي من 5 لـ30 لتر في الدقيقة.. باش نوضح ليك أكتر! لو قارنتي كمية الدم اللي كيضُخها القلب طول فترة حياتك، بواحد روبيني ديال الما تاعكم، فأنت محتاج تخلِّي هاد الروبيني مفتوح بالجَّهد 24 ساعة فاليوم لمُدة 455 عام مُتتالية بدون توقف ..

القلب دسال الشخص الطبيعي فالمتوسط كاينبُض 72 مرة في الدقيقة، 100.000 مرة في اليوم، 3.600.000 مرة فالعام، 2.500.000.000 مرة في عُمرك كامل ..

heart png


قلبك يوميًا كاينتج طاقة كافية باش تسوق شاحنة كبيرة مسافة 32.1 كم. لو جمعنا الطاقة اللي كينتجها في متوسط عُمر 60 سنة، فهي كافية لقيادة هاد الشاحنة طول الطريق من الارض للقمر ذهابا و إيابا ..

لأن القلب عندُو نبضُ كهربائي خاص، فهو كا يبقا خدَّام  بكفاءة حتى بعد فصله عن الجسم، طالما كايكون عندو إمداد كافي من الأكسجين ..

قلب الجنين كاينبُض أسرع بمُعدل ضعف الشخص البالغ. كاينبُض فالمتوسط 150 نبضة فالدقيقه. من بعد 12 أسبوع من الولادة، القلب كايضُخ 29 لتر فاليوم. و ملي يالاَّه  يتولد كايكون حجم الدم فالدورة  الدموية بالكامل ما يتعداش كاس ديال الماء ...
القلب كيضُخ الدم تقريبًا لــ 75 تريليون خلية خدَّامة موجودة فالجسم . القرنيه فقط هي اللي ما كتحتاجش الدم ..

في متوسط 60 سنه، القلب كايضُخ تقريبًا 1.5 مليون برميل كامل من الدم، وهادشي يكفي باش تملأ 200 "سيتيرنا" عملاقة ..

حوالي 5% فقط من الدم باش كيغذِّي القلب نفسُو، من 15-20% كاتمشي للمُخ والجهاز العصبي، 22%  للكُلاوي ..

هاديك النبضة اللي كاتسمعها ملي كاتحُط ودنك على صدرك (صوت القلب) هي صوت صمامات القلب الأربعة وهي كاتقفل ..

القلب كيقوم بأكثر الأنشطة البدنية قوة فوسط كُل العضلات. القوة الخارجة من القلب كتتراوح ما بين 1-5 وات. (عضلة الفخد ممكن تولد 100 وات لبضع دقايق) في متوسط عمر 80 سنة، قلبك كينتُج حوالي 2.5 جيجا جول  (شوف احنا شحال ننتجوا صناعيًا) ؟

القلب كايضُخ الدم المؤكسد عن طريق الشريان الأورطي بسرعة 1.6 كم فالساعة، وبمجرد ما يوصل للشعيرات الدموية كاتكون السرعة ديالو وصلات لمتر فالساعة ..

المصريين القُدماء كانوا كيعتقدوا أن القلب والأعضاء الحيوية الأخرى عندها عقل خاص بيها وإرادة و أنهم كيتحركوا داخل الجسم بحرية ..

"الأُذين" هي كلمة لاتينية كتعني (قاعة الدخول) فحين أن "البُطين" كلمة لاتينية معناها البطن الصغيرة ..
قلب الأنثى كايُنبُض أسرع من قلب الرجُل. قلب الرجل كينبُض فالمتوسط 70 نبضة فالدقيقة، فحين أن قلب المرأه كينبُض 78 نبضة ..

الدم فالحقيقة أشبه بواحد النسيج! لما الجسم يكون فحالة راحة أو نوم، كيستغرق الدم 6 ثواني باش ينتقل من القلب للرئة ويرجع تاني، فحين أنه كيستغرق 9 ثواني باش يوصل للمُخ ويرجع تاني و16  ثانية باش يروح لأطراف أصابع القدم ويرجع للقلب ..

بغيتي تعرف مقدار القوة اللازمة اللي القلب كيضغط بيها باش يضُخ الدم هاد المسافة كُلها، شي كورة تنس و إضغط عليها بقوة متوسطه لغاية ما تعوجها

خُد دقيقة من وقتك باش تعظم الآلية رائعة الجمال إللي تُعتبر حجر الزاوية في الوجود ديالك !.. شوف شحال من عام نتا عايش و هو عايش معاك.. قدّرو و تهلاَّ فيه ..
إعلان