من نحن

السلام عليكم ورحمة الله وبركاته
أهلا وسهلا بكم أعزائي فمدونة كيفاش ويكي، 


هاد المدونة جات بواحد الفكرة جديدة وهي إنشاء قاعدة ديال أكبر عدد من المقالات اللمفيدة للمواطن المغربي باللهجة اللي كيفهموها المغاربة كاملين من طنجة الى الكويرة .. وهي الدارجة المغربية الحبيبة.

و حيت المغاربة مثقفين و واصلين لواحد الدرجة ديال الوعي بفضل التنوع الثقافي، اللي كيعرفو بلادنا، فقررنا أن موقع كيفاش يكون موقع تعاوني ألى حد ما.
أشنو كيعني هادا؟ أي أنه كيعطي الفرصة لكل واحد عندو مايقول أو كايفهم فشي مجال باش يبارطاجي الافكار ديالو و طبعا باللهجة الدارجة المغربية اللي ولات لغة راقية فهاد السنوات الاخيرة وحنا فموقع كيفاش ويكي درناها من أولويات ديالنا وهي باش كنقدموا المحتوى ديالنا ...

موقع كيفاش ويكي هو مدونة حديثة العهد فمجال الويب تأسست فأواسط عام 2016 من طرف عبد الله أخشاو.
شكون هو عبد الله أخشاو: هو مدون ومصمم ومبرمج مغربي السن ديالو 20 سنة، طالب جامعي سلك الاجازة شعبة الدراسات الأنجليزية
كنتتمناو أننا نوفروا كل شيء ممكن بالدارجة المغربية فهاد المدونة اللي فكرت فصنعها من فترة طويلة و تحقق الأمر بفضل الله، و أنا فرحان بزاف دابا بهاد المدونة الخاصة بالمقالات الثقافية والمعرفية وكثير من مواضيع الساعة وزيد وزيد وهادشي طبعا بالدارجة المغربية التي أحببتها و بغيت نشارك معاكم هاد الحب.
وكايتشارك معايا هاد الشغف الأخت خديجة سامي و الأخ حمزة حدوش واللي كايتحفوا الجمهور بالمقالات الشيقة ديالهوم بالاضافة ألى العديد من الاخوة اللي رسلوا لينا مقالات غاية فالروعة من الابداعات ديالهوم الخاصة واللي تنشرات بأسمائهم طبعا و نالت رضا الناس اللي كيحبوا يقراو باللهجة المغربية.
وأي واحد يمكن يخوض معانا هاد التجربة .. الباب مفتوح لأي واحد باش يوري للعالم شكون هو ..

حسابات كيفاش ويكي على الشبكات الإجتماعية ...


قناة اليوتيوبحساب تويتر صفحتنا على فيسبوك
kifachWiki channelkifachWiki@kifachWiki fb page


في السابق ما كانش الدارجة المغربية معروفة بزاف فالميدان ديال الويب
و المهمة ديالنا فموقع كيفاش ويكي هي نردوا المجد للهجة المغربية الدارجة ونوفروا للمواطن المغربي ما يستحقه من مقالات وأخبار وأراء باقرب لهجة اليه.

في النهاية كنتمنى تستمتعوا بكل ما كاين فالمدونة و ماتنساوش أن المدونة راها:

1- منك: أي أنك عندك كامل الحق فأنك تعبر على رأيك فموضوع كتفهم فيه من خلال الصفحة اللي درناها رهن إشارتكم عبر الرابط: كتب ليك شي موضوع
2- أليك: أي أن جميع المقالات اللي كتقراهم فمدونة كيفاش ويكي فهناك شخص كتبها لسبب واحد هو أنه ينفع ويفيد شخص اخر.
3- يمكن لأي شخص يطلب أي مقال أو شرح أو رأي من موقع كيفاش ويكي و كنلتارموا أننا نوفروه خلال مدة ماتفوتش 72 ساعة من الصفحة اللي درناها رهن إشارتكم عبر الرابط: أطلب مقال أوشرح

و أتمنى للجميع التوفيق

تحياتي.

و اللي عندو شي سؤال أو إستفسار أو بغا يعرف مازال معلومات علينا أو من أجل الحصول على الدعم خليو تعليق هنا أو راسلونا على صفحة (إتصل بنا) [full_width]

حاز هذا المقال على 0 تعليقات


كن شخصا مؤثرا.. واترك بصمتك !
رأيك حول الموضوع يهمني كثيراً
سمايلاتEmoticon